Tragjike/ 35-vjeçarja vdes nga koronavirusi pas lindjes, s’mundi ta përqafonte dot kurrë foshnjën

Një tjetër vdekje tragjike nga koronavirusi është raportuar në mediat e huaja.

Bëhet fjalë për një grua, e cila ndërroi jetë pas lindjes.

35-vjeçarja, Sarah Scylly nga Britania e Madhe, vdiq pas komplikacioneve të Covid-19, ku qëndroi për gati 1 muaj në gjendje kome.

Ajo nuk pati mundësi që ta mbante në krahët e saj të birin e porsalindur.

Nëna e të ndjerës, Elizabeth dhe vëllai i saj binjak, Keiron, u dëshpëruan pafund nga vdekja e papritur e 35-vjeçares.

Me zemër të thyer, nëna e saj tha:

Ajo vdiq duke mos e njohur foshnjën e saj dhe nuk mundi dot ta përqafonte.

Sara mundi vetëm të shihte një foto të foshnjës së saj, të cilën ia tregoi një infermiere, por nuk iu lejua ta mbante në krah foshnjën e saj për shkak se ishte infektuar me Covid-19.