Albani pranë vogëlushit që nuk mund të ecë e të flasë

Edhe pak ditë na ndajnë nga koncerti tre ditor i Alban Skënderaj…
Por edhe pse koha fluturon, ai ka gjithnjë kohë për fëmijët e Tungjatjetës… Ambasadori i World Vision ka udhëtuar në Bërzeshtë të Librazhdit për të takuar Emiljanon, djalin me sy të ëmbël… Vogëlushi tre vjeçar kërkon të vrapojë, të flasë e të luajë, por nuk mundet.
“E gjithë fuqia ime, pasuria ime apo aftësia ime është që të ngre sa më shumë zërin për ato raste ku ka nevojë për ndihmë …me njohjet, mundësitë e platformat e mia. Që këto shërbime të shtrihen në kohë, por edhe në shumë zona të tjera, ne kemi nevojë për ju, për të gjithë qytetarët shqiparë brenda dhe jashtë vendit… ”
Pas disa javësh, falë kontributit të qindra shqiptarëve, Emiljano dhe të gjithë fëmijët e Tungjatjetës, për herë të parë do të marrin shërbimet e specializuara nga një ekip profesionistësh në shtëpitë e tyre!