Ata që bëhen prindër në Tiranë përfitojnë nga “Shporta e Bebes” (Çfarë është)

Për të gjithë ato çifte që do të sjellin në jetë një fëmijë, Bashkia e Tiranës ka miratuar projektin “Shporta e Bebes”. Ky projekt synon që t’i ofrojë nënave të reja mbështetje materiale përmes një shporte me produktet kryesore që nevojiten për një foshnje të porsalindur.

“Vitin e kaluar patëm një vendim shumë të guximshëm dhe të drejtë të kryeministrit Rama për të rritur subvencionin për bebet që i lindin në qytetin tonë, që gjithmonë rritet. Shporta e bebes është konvertimi i pagesës cash që tani bëhet nga qeveria në një masë disafish për fëmijën e parë, e kështu me radhë për fëmijën e dytë, të tretë e më tej, rritet akoma më shumë. Kemi insistuar që në këtë paketë, bashkia t’ju propozojë që në shportë të jetë edhe një manual për të rritur fëmijët”, deklaroi Veliaj në mbledhjen e Këshillit Bashkiak.