Babai që vrau djalin e porsalindur dhe la trupin në krevat, burgoset me 15 vite burg

Një baba është dënuar me 15 vjet burg për vrasjen e djalit të tij të porsalindur. James Clark, 31 vjeç i shkaktoi plagët fatale djalit të tij Sean, të cilin e vendosi në krevat dhe iku të flejë.

Nëna e djalit, Helen Jeremy, e gjeti foshnjën e saj të vdekur të nesërmen në mëngjes. Një ekzaminim post-mortor u krye dhe zbuloi se Sean ishte sulmuar në të paktën tre raste, duke pësuar 71 fraktura të brinjëve dhe lëndime të kokës në përputhje me tronditjen.

Babai është urdhëruar të vuajë një minimum prej 15 vjet burg për krimin.

Jane Osborne QC, duke e ndjekur penalisht, i tha gjykatës: Ai e shtrëngoi djalin e tij Sean fort rreth gjoksit, duke shkaktuar fraktura dhe e tundi me forcë duke i shkaktuar gjakderdhje në tru. Provat pas atij incidenti tronditës tregojnë se Sean Clark ishte pa jetë kur i pandehuri e vendosi atë në krevatin e tij dhe shkoi në dhomën e tij të flinte.

Clark, nga Neads Drive, Warmley, South Gloucestershire, mohoi vrasjen, por u dënua pas një gjykimi në Gjykatën e Bristol Crown.

Znj. Jeremy, 27 vjeç, nga Russell Avenue, Kingswood, gjithashtu u gjykua, por u lirua nga akuzat për vrasje ose lejim të vdekjes së tij.

Andreë Langdon avokati i Clark tha se i vuante nga autizmi dhe çrregullimi i hiperaktivitetit të deficitit të vëmendjes dhe kjo kishte dëmtuar aftësinë e tij për të kuptuar pasojat e sulmit fatal.

Ann Hampshire, nga Shërbimi i Prokurorisë së Kurorës, tha: Sean Clark ishte viktimë e një numri sulmesh serioze javët para se të vdiste. Këto sulme rezultuan në një seri lëndimesh të tmerrshme dhe përfundimisht në vdekjen tragjike të Sean.