Babi Getoar Selimit apo asaj? Marina Vjollca zbulon kujt i ngjan Marget: Ndërsa teze Luanës i ka marrë …

Moderatorja e mirënjohur Marina Vjollca ishte e ftuara speciale mbrëmjen e 1 Janarit në spektaklit të argëtimit “Zemër Luana” nën drejtimin e motrës së saj Luana Vjollca. Marina u tregua mjaft bujare këtë ditë të parë të vitit duke dhënë deklarata që shumë do të donim t’i dinim nga jeta e saj personale.

Në një intervistë mjaft personale krah vogëlushes së vogël Eden, Marina u përball me disa pyetje mjaft pikante rreth jetës së saj si mami. Një nga pyetjet që vogëlushja i bëri ishte se kujt i ngjan vajza e saj Marget më shumë, asaj apo babi Getoar Selimit dhe moderatorja e kishte një përgjigje.

“Kujt i ngjan më shumë Marget, ty apo Getit? Se unë kam dëgjuar se i ngjan motrës tënde Luanës më shumë…”, u shpreh Eden, teksa Marina zbuloi se Marget i ngjan më shumë babit të saj, Getoarit, ndërsa teze Luanës i ka marrë pjesën më të bukur. Besoj e kuptuat s’është nevoja ta themi ne!