Bashkëshortja shkoi në maternitet për të lindur, por ndërron jetë foshnja/ 27-vjeçari bën kallëzim në polici

Një 27-vjeçar është paraqitur në komisariatin e policisë nr.3 ku edhe ka bërë një kallëzim, pasi bashkëshortja e tij është paraqitur në maternitet për të lindur. Por gjatë kësaj kohë ka ndërruar jetë foshnja.

Sipas policisë së Tiranës është ngritur një grup hetimor dhe po punohet për zbardhjen e plotë të kësaj ngjarje.

“Në Komisariatin e Policisë Nr. 3 është paraqitur një shtetas 27 vjeç, i cili ka kallëzuar se bashkëshortja e tij është shtruar në maternitet për të lindur, dhe gjatë kësaj kohe i ka ndërruar jetë fetusi (feto morto)”, thuhet në njoftimin e policisë.