Djali i madh i familjes Beckham, nënshkruan marrëveshjen prej 1 milion funtesh
Ai ka një sërë projektesh në fushën e modës, dhe tani karriera e Brooklyn Beckham është rritur në një nivel tjetër, duke u bërë imazh i “Superdry”, pasi nënshkroi një marrëveshje prej 1 milion funta me kompaninë e njohur britanike të modës.
Djali i madh i David dhe Victoria, 22 vjeç, është fotografuar gjysmë i zhveshur për fushatën më të fundit të markës së veshjeve sportive.
“Kjo është një mundësi e madhe për Brooklyn dhe do ta bëjë atë si një emër të vërtetë në botën e modës për meshkuj”, tha një burim për The Sun.
Foto: Superdry
“Kjo është e mrekullueshme për të që të mund të arrijë dhe të jetë në fokus. Ai është me të vërtetë i etur për qëndrueshmërinë, kështu që është i emocionuar të punojë në të”, vazhdoi tutje ky burim.
Brooklyn dhe e fejuara e tij Nicola Peltz tashmë kanë bërë emra në botën e modës, duke ndjekur hapat e Posh dhe David, shkruan DailyMail.
Foto: Brooklyn Beckham/Instagram
Së fundmi ata kanë nisur një kampanjë të përbashkët, duke përfaqësuar “Pepe Jeans”.
Ish-Spice Girl, Victoria është një stiliste e famshme e modës dhe lansoi markën e saj në shtator 2008.
Kohë më parë në klanin Beckham, vëllai i vogël i Brooklyn, Romeo, përfaqësoi një fushatë Krishtlindjesh për “Burberry” kur ai ishte vetëm 12 vjeç.
Foto: REX
Karriera e modelimit të Brooklyn-it filloi në vitin 2014 dhe ai është shfaqur edhe në kopertinat e botimeve të tilla si “Vogue China”.