E RËNDË/ Nënë e bijë plagosen me armë zjarri

Nënë e bijë, janë plagosur ditën e sotme në rrugën “Besa Besë” në Fushë Kosovë. Sipas të dhënave  paraprake, dyshohet se një person i cili ka qenë i armatosur, ka plagosur dy shtetase të cilat janë dërguar në spital për të marrë ndihmën e nevojshme mjekësore.

Ndërkohë, autoritetet kanë mbërritur në vendine ngjarjes dhe po punjnë për zbardhjen e plotë të krimit dhe arrestimin e autorit.

“Sot rreth orës 11:45, policia ka marrë informatën për një plagosje me armë zjarri të ndodhur në rrugën ” Besa Besë” në Fushë Kosovë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen.

Bazuar në të dhënat fillestare dyshohet se nga një person i dyshuar, me armë zjarri janë plagosur dy persona (të dyja të gjinisë femërore), të cilat janë dërguar për tretman mjekësor”, ka deklaruar zëdhënësja e Policisë së Kosovës Flora Ahmeti.