E trishtë! “Me shpirt të coptuar” Rosela Gjylbegu humb të ëmën

Ditën e sotme këngëtarja Rosela Gjylbegu ka trishtuar të gjithë ndjekësit e saj në rrjetet sociale, teksa ka ndarë lajmin e hidhur se nëna e saj është ndarë nga jeta.

Përmes një postimi të bërë në profilin e saj zyrtar në Instagram, Rosela ka publikuar lajmërimin për ndarjen nga jeta të nënës së saj, Mirjana Gjylbegu në moshën 76-vjeçare.

“Me dhimbje te madhe e me shpirt te coptuar, njoftoj humbjen e njeriut tone me te shtrenjte, Nenes tone Mirjana Shestani Gjylbegu”, ka shkruar ajo në rrjetet sociale.