Flet babai i Meghan: Vajza më braktisi, as në telefon s’më del

Babai i Meghan Markle, në një intervistë të fundit ka treguar se vajza e tij po e shmang dhe se po mundohet ta mbajë larg nga jeta e saj. Madje ai tha se ndoshta do ishte më e lehtë për të nëse do vdiste. “Nuk kemi folur prej 10 javësh”, thotë Thomas Markle, babai i dukeshës së Sussex 74 vjeç i cili vuan nga problemet me zemrën. Në intervistën për Mail Online ai foli për pasojat e vendimit për të bërë foto qëllimisht nga paparacët pranë shtëpisë së tij në Meksikë, gjë e cila sipas tij ka ndikuar në marrëdhënien e Meghan me të, por edhe me familjen mbretërore.

“Ndoshta do ishte më e lehtë për Meghan nëse do isha i gjallë. Të gjithë do ndjenin simpati për të. Unë shpresoj të pajtohemi, nuk do doja të vdisja pa folur me vajzën time”. Që pas publikimit të fotove të babait të Meghan teksa u kap duke qepur kostumin për dasmën, Meghan u mërzit dhe kontaktet filluan të rralloheshin.

“Jam vërtet i lënduar që nuk më flet më. Më parë flisnim, por që kur kritikova familjen mbretërore, Meghan nuk del më. I bie numrit, por askush nuk përgjigjet”. Thomas ka treguar se Meghan mund të bëhet nënë nga viti i ardhshëm, por me shumë gjasa nuk e lerë kush të gëzojë nipin apo mbesën. Megjithatë Thomas shtoi se nuk do rrinte i heshtur nga fakti se si familja mbretërore kishte ndryshuar vajzën e tyre. (Mail Online thekson se asnjë pagesë nuk është bërë ndaj Thomas për intervistën).