Gaz Paja ndahet nga bashkëshortja? Veprimi i fundit i partneres së aktorit nxit dyshimet

Aktori i njohur i humorit Gaz Paja mesa duket i ka dhënë fund lidhjes disa vjeçare me bashkëshorten e tij, Ira Seferi me të cilën ka edhe një djalë.

Paja është martuar me partneren e tij në qershor të vitit 2019 por me sa duket gjërat nuk kanë shkuar siç duhet. Aludimet për ndarjen e çiftit nisën pasi postimet e aktorit me Iran muajt e fundit kanë qenë të pakta, ndërsa prej kohësh ata nuk janë shfaqur me njëri-tjetrin në publik.

Megjithatë ajo që nxiti më shumë aludimet e publikut që çifti i kanë dhënë fund lidhjes së tyre ishte pasi Gazi u shfaq i vetëm në premierën e filmit “5 Herë JO”, ku Bora Zemani dhe Donald Veshaj janë protagonistët kryesorë.

Aktoti u shfaq i vetëm, i shoqëruar nga disa miq, teksa u vu re mungesa e bashkëshortes së tij.

Nga ana tjetër përveç postimeve të pakta së bashku, Ira nuk e ndjek aktorin as në rrjetet sociale, megjithëse akoma nuk dihet se çfarë mund të ketë ndodhur mes çiftit.