Gjyshi i 3-vjeçarit “Më bëni çfarë të doni, nuk e tregoj ku e kam fshehur nipin”

Rexhep Gjura, gjyshi i 3 vjeçarit të rrëmbyer nga gjyshja në Durrës ka deklaruar para policisë se është në dijeni të ngjarjes por nuk do të rrëfejë vendndodhjen.

Gjura ka treguar se sherri me nusen ka nisur pas vdekjes së djalit, pasi sipas tij, e reja do të largohej jashtë shtetit me nipin.

“Nusja na kërcënoi se nuk do ta shikonim më nipin pasi do largoheshin së bashku më të jashtë shtetit. Prandaj edhe ne vepruam në këtë mënyrë. E kemi dritën e syve, nuk jetojmë dot pa të. Me humbjen e djalit tonë në aksident, nipi zinte vendin e të dyve, edhe të tijën si nip po nëpërmjet pranisë së tij shohim edhe djalin tonë që s’jeton më. Me nusen nisen debatet që ditët e para që na vdiq djali. Donte të ikte në shtëpinë e prindërve të saj, pa mbush as 40 ditë që bashkëshorti i kishte vdekur. Edhe me pas kemi pasur kontradikta për të marrë djalin (nipin) pasi nuk donte qe ne ta takonim. Pastaj na e lejonte ta takonim shume rrallë. Kur kërkonim qe ta merrnim në shtëpi që ta mbanim pak orë të çmalleshim, na thoshte merreni edhe këtë radhë se s’keni për ta parë më pasi do ta marrë e do iki jashtë shtetit të vazhdojmë jetën tonë.

Ajo mund të vazhdojë jetën e saj se nuk ka të drejtë ta ndalojë askush, por nuk ka të drejtë të na mohojë faktin për të takuar nipin. Nga frika se nuk do ta shikonim me nipin, u organizuam ta merrnim dhe ta mbanim vete. Kemi marrë parasysh gjithçka. Nuk tregoj ku ndodhet djali. Me bëni çfarë të doni”, ka deklaruar Gjuni.

Share With:
Translate »
19 Views