Hailey Bieber tregon vështirësitë që po has gjatë shtatzënisë!

Hailey Bieber e mbajti të fshehtë shtatzëninë e saj për gjashtë muaj përpara se ta zbulonte publikisht. Por ky vendim erdhi me sfida emocionale.

“Ndoshta mund ta fshihja deri në fund.”, tha modelja për W Magazine. 27-vjeçarja vazhdoi: “Kam kaluar stres që nuk e shijoja dot shtatzëninë në publik. Ndihesha sikur po fshihja këtë sekret të madh dhe nuk më dukej mirë. Doja lirinë për të dalë dhe për të jetuar jetën time.”

Bieber i shpjegoi W se ajo ishte në gjendje ta “mbante të fshehtë shtatzëninë e saj për kaq gjatë sepse barku nuk iu duk për shumë kohë.

Ajo shtoi: “Nuk kisha bark deri kur vajta gjashtë muajshe, kur e lajmërova. Unë vishja në xhaketa të mëdha dhe veshje të tilla”.

Hailey dhe këngëtari Justin Bieber e zbuluan lajmin e lumtur në maj përmes Instagramit. Në atë kohë, një përfaqësues i Bieber konfirmoi për PEOPLE se ajo ishte pak më shumë se gjashtë muajshe shtatzënë. Çifti u martua në shtator 2018 në një gjykatë në Nju-Jork, vetëm dy muaj pas fejesës së tyre.