“Kishte arsyet e tij”, habit me deklaratën nëna e vrasësit në shkollën në Teksas

Nëna e 18-vjeçarit që vrau 19 fëmijë dhe dy mësues në shkollën fillore Robb në Uvalde, Teksas ka folur më në fund.

Adriana Reyes Martinez dha një seri intervistash këtë javë, duke zbuluar njohuritë e saj për jetën dhe sjelljen e djalit të saj përpara të shtënave të tmerrshme në shkollën në qytetin e vogël të Teksasit të martën.

Reyes shpjegoi hapur se si u befasua nga tragjedia e tmerrshme. Duke folur në spanjisht për mediat ajo në mënyrë tronditëse tha se ai “kishte arsyet e tij” për kryerjen e krimit të tmerrshëm.
“Nuk kam fjale. Nuk kam fjalë për të thënë. Nuk e di se çfarë po mendonte. Ai kishte arsyet e tij për të bërë atë që bëri dhe ju lutemi mos e gjykoni”- u shpreh ajo.

Duhet të supozojmë se ajo nuk e kuptoi plotësisht atë që po thoshte sepse kjo është tepër e tmerrshme për t’u thënë!
Ajo gjithashtu kërkoi falje për veten dhe djalin e saj për vrasjen masive, duke përsëritur idenë se ai kishte arsyet e tij.

“Dua që të më falin vetëm fëmijët e pafajshëm që vdiqën. Më falni, më falni djalin tim. E di që ai kishte arsyet e tij.”
Në një intervistë të dytë me ajo shtoi më shumë komente për veprimet e tmerrshme të djalit të saj.

Duke folur nga spitali ku nëna e saj po shërohet nga plagët e saj nga plumbi pasi u qëllua në fytyrë nga Ramos – Reyes i tha gazetës:

“Djali im nuk ishte person i dhunshëm. Jam i habitur nga ajo që ka bërë. Unë lutem për ato familje. Po lutem për të gjithë ata fëmijë të pafajshëm, po. Ata nuk kishin asnjë faj në këtë.”
Raportimet kanë sugjeruar se Reyes dhe djali i saj mund të kenë pasur një marrëdhënie “toksike”, por nëna e mohoi këtë në komentet e saj. Ajo deklaroi:

“Kam pasur një marrëdhënie të mirë me të. Ai nuk kishte shumë miq.”