Lufta me bullizmin dhe buliminë! Mami surprizon Françeskën, mes lotësht: Unë jam me ty…

Miss Londra Françeska Murati gjatë rrugëtimit të saj në Big Brother VIP 3 ka ndarë me banorët luftën e saj me buliminë gjatë periudhës së gjimasit. Ajo është shprehur se e ka vuajtur disa herë këtë problematik, pasi në momentin që e vuan njëherë ekziston mundësia që të rikthehet, por duke biseduar me persona të dashur të saj ka mundur ta tejkaloj si problematik.

Duke folur për këtë çështje që prek sot gjithë shoqërinë, Françeska pati një mesazh për këdo që vuan nga bulimia; ta flasin me personat e tyre të dashur dhe të kërkojnë ndihmë. Po ashtu për t’i motivuar, Françeska tha se kur “unë kam fituar miss Londra me një trup mami, trup normal që nuk është perfekte dhe e kam fituar pikërisht për vlerat që unë kam përcjellë si vajzë dhe jo për imazhin tim të jashtëm”, çdokush mund ta bëjë.

Ledioni: Ky është një rrëfim shumë i rëndësishëm. E di që kjo është një nga plagët e historisë moderne kanë sjellë gjëra të mira dhe gjëra jo fortë të mira. Jetojmë në një kohë ku modelet e bukurisë prej më shumë se një shekulli na plasen në fytyrë o këto o s’ka. Jetojmë në një kohë ku jemi të rrethuar nga një bollëk ushqimi që na tundon dhe anoreksia e bulimjia është një plagë që shumë njerëz e gjejnë veten. Ishte shumë e rëndësishme të flitje për të treguar se nuk janë vetëm dhe së dyti, mund t’ia dalin ashtu sic tik e bërë me dashurinë për veten dhe dashurinë e të tjerëve për ty. Ta duash veten ashtu si je.

Françeska: Jam me fat që kam një familje që më do që më mbështet dhe më ka ndihmuar në rrugëtimin tim kundrejt bulimisë. Unë akoma nuk kam treguar për historinë e jetës time dhe se çfarë më ka shtyrë për të arritur këtu, por është e rëndësishme të ndajmë këto mesazhe. Kam menduar shpesh se sim und ta ketë pritur familja ime këtë detaj dhe e kam vuajtur me veten time se si mund të jetë ndjerë mami im kur ka dëgjuar këto gjëra prej vajzës së saj. Unë kam kaluar shumë kohë duke urryer veten time por më duhet të them që nuk është e bukur të bëhet. Jeta është shumë e bukur dhe traumat na çojnë vetëm drejt traumave të tjera.

Ledioni: Nuk është e lehtë që dikush ka  kaluar apo di një histori të tillë të dalë e flasë për atë që ka kaluar. Ti e the dhe vetë që është një rreth vicioz që përsëritet, por ka zgjidhje.

Françeska: Unë duke e folur dhe shprehur me njerëzit e mijë të afërt sikurse bashkëshorti im më ka ndihmuar të kuptoja se çfarë po ndodhte dhe sa më gjatë ta mbaja me vetn time aq më shumë po e çoja veten drejt shkatërrimit. Është shumë e rëndësishme që kushdo që është duke e kaluar diçka të tillë apo e ndjen veten duke shkuar drejt një rruge të tillë, ta flasë me dikë që e ndjejnë të afërt në jetën e tyre sepse mund t’iu japi një ndihmë se si ta parandalojnë këtë gjë.

Ledioni: Ti je shumë e bukur, por të bukura janë të gjitha vajzat e kësaj bote kështu që largojuni pak këtyre formateve ‘o kështu ose nuk dilni te Vogue’. Edhe vetë industria multimilardere e modës është hapur pak ndaj mënyrave kanonike të të qenurit i bukur.

Françeska: Unë kam një mesazh. Unë kam fituar miss Londra me një trup mami, trup normal që nuk është perfekte dhe e kam fituar pikërisht për vlerat që unë kam përcjellë si vajzë dhe jo për imazhin tim të jashtëm.

Pas diskutimit të kësaj tematike sensitive, Vëllai i Madh ka surprizuar Françeskën duke i ndërtuar një çadër kampingu që ajo e dëshironte aq shumë në arenën e “Supersport”, ndërsa e ëma ishte duke e pritur aty.

“Të mbështesim të gjithë ty, nuk jam mërzitur fare që s’më ke treguar. Më vjen keq që nuk e dija se çfarë ke kaluar, unë jam me ty dhe do të jem gjithë jetën tënde. Për çdo vendim që merr unë do të jem pas teje”- tha mami i Françeskës.

Më fal mami. Ëndërroj të jem një mami si mami Albana, nuk blinte kurrë gjëra për vete për të na plotësuar nevojat ne”-tha Françeska mes lotësh.

Share With:
Translate »
44 Views