Për shkak të rishfaqjes së mungesës së lehtë të jodit tek gratë shtatzëna dhe shqetësimeve se edhe mungesa e lehtë e jodit mund të ketë efekte negative në zhvillimin e trurit të fetusit, në SHBA, Shoqata Amerikane e Tiroides dhe Akademia Amerikane e Pediatrisë rekomandojnë që gratë të cilat planifikojnë shtatzëninë, gratë shtatzëna ose me bebin në gji, duhet të marrin suplement ditor që përmban 150 mcg jod (ref.: Alexander dhe bashkëpunëtorët, Council on Environmental Health), shkruan Pearce E.
Mbi 40% e multivitaminave prenatale më të shitura në Shtetet e Bashkuara nuk përmbajnë jod.
Gratë në laktacion kanë kërkesa të larta për jod sepse jodi sekretohet në mënyrë aktive në qumështin e gjirit ku shërben si një burim ushqimor shumë i rëndësishëm për foshnjat që ushqehen me gji. Kërkesat për jod rriten në 220-250 mcg/d në shtatzëni dhe në 250-290 mcg/d gjatë laktacionit.
Kolegë endokrinologë, ju lutem përshkruajeni jodin tek shtatzënat dhe gratë në laktacion, kështu do të ndikoni në të ardhmen e ndritur të gjeneratave të reja!
