Meta me Kryemadhin buzë detit: Me SuperMonën gati për të festuar për Besarin

Djali i çiftit Meta, Besari feston sot ditëlindjen. Larg politikës si President dhe bashkëshortes si kryetare e partisë LSI, Ilir Meta ka postuar një foto ku çifti duket sportiv. Në sfond është deti dhe me gjasë fotoja është shkrepur tek Gjiri i Lalzit, aty ku ndoshta familja Meta ka zgjedhur të festojë.

Pas fotos me djalin Besar ku shihen teksa shtrengojnë duart me njëri tjetrin, Meta pak orë më pas poston foton edhe me zonjën Kryemadhi, ku shkruan:

‘Me SuperMonën, gati për të festuar ditëlindjen e Besarit.
Faleminderit për urimet! Gëzime ju urojmë edhe ne të gjithëve’!

LSI e Kryemadhit doli nga këto zgjedhje me vetëm 4 mandate, dhe në deklaratën e fundit i kërkoi ndjesë presidentit se nuk e dëgjoi për djegjen e mandateve, e që duket solli ndëshkimin me votë.