Moti i keq! “13 shkolla nuk do të nisin mësimin të hënën”, Kushi: Mbetemi të angazhuar maksimalisht
Ministre e Arsimit dhe Sportit, Evis Kushi me anë të një postimi në rrjetin social “Facebook” ka njoftuar se mësimi do të vijojë normalisht në disa shkolla të vendit.
Ndërsa thekson se mësimi nuk do të zhvillohet vetëm në 13 shkolla të njësisë administrative Shkodër
Kjo vjen pasi ky qark ka pasur reshje të dendura të borës.
Postimi i Kushit:
Të dashur nxënës, prindër dhe mësues,
Strukturat tona arsimore, së bashku me bashkitë, kanë qenë në terren gjatë gjithë fundjavës për të marrë të gjitha masat e nevojshme për një fillim sa më të mbarë të procesit mësimor ditën e hënë.
Fatmirësisht, pjesa më e madhe e shkollave ku u ndërpre mësimi javën e kaluar janë kthyer në normalitet, përveç 13 shkollave në disa njësi administrative të Shkodrës (Pult, Shosh dhe Shalë), ku për shkak të situatës së rënduar nga reshjet e dëborës, procesi nuk mund të fillojë ditën e hënë.
- Shkolla e Mesme e Bashkuar “Mehmet Shpendi”, Shalë,
- Shkolla 9-vjeçare “Giman”, Shalë,
- Shkolla 9-vjeçare “Theth” Shalë,
- Shkolla 9-vjeçare “Don Prek Ndrevashaj”, Shosh,
- Shkolla 9-vjeçare “Palaj”, Shosh,
- Shkolla Fillore “Nicaj”, Shosh,
- Shkolla 9-vjeçare “Kir”, Pult,
- Shkolla Fillore “Kasnec”, Pult,
- Shkolla Fillore “Pog”, Pult,
- Shkolla 9-vjeçare “Bruçaj”, Pult,
- Shkolla 9-vjeçare “Plan”, Pult,
- Shkolla Fillore “Maja Thanës”, Pult,
- Shkolla 9-vjeçare “Xhan”, Pult.
Mbetemi të angazhuar maksimalisht me strukturat tona arsimore, duke besuar fort edhe në bashkëpunimin sa më të ngushtë me njësitë administrative përkatëse të Bashkisë Shkodër, që të punojmë së bashku për rikthimin sa më shpejt në normalitet edhe në këto shkolla.
Faleminderit për mirëkuptimin!
