Nis protesta “Unë i përkas vetes sime”, bashkohet edhe showbizz-i shqiptar
Prej orës 16:00 në sheshin “Nënë Tereza” ka nisur protesta “Unë i përkas vetes sime”, në të cilën është vënë re një sensibilizim i jashtëzakonshëm, kundra rastit që tronditi opinionin publik.
Para pak ditësh u bë publik rasti një 65-vjeçari, roje i një shkolle në Babrru, i cili ka përdhunuar për tre vite radhazi një të mitur nga mosha 12 deri në moshën 15 vjeçare.
Më pas skandali është zgjeruar kur ai e ka filmuar gjatë aktit dhe videon jua ka dhënë edhe personave të tjerë të cilët e kanë përdorur si mjet shantazhi dhe kanë abuzuar sërisht me të miturën .
Me pankarta në duar, me mesazhe të ndryshme, për të ngritur lart figurën e femrës dhe me kërkesën për dënim maksimal për abuzuesit, protestueseve femra u janë bashkangjitur edhe një numër i konsiderueshëm meshkujsh.
Në protestë po marrin pjesë edhe figura të njohura të artit dhe shoëbizit shqiptar, si Aurela Gaçe, Eli Fara, Manjola Nallbani, motrat Vjollca, Armina Mevlani etj.