Pas abortit, reperja e njohur bëhet nënë e një djali
- Da Brat është bërë nënë.
Reperja 49-vjeçare lindi fëmijën e parë të saj me partneren Jesseca “Judy” Dupart. Djali quhet True Legend Harris-Dupart. Më herët reperja kishte pësuar një abort.
“Nuk mund të besoj se atë e linda unë”, tha artistja e “Give It 2 You”.
“Duket si një ëndërr. Ai është perfekt në çdo aspekt”.
Da Brat thotë se ajo është “shumë mirënjohëse për një bekim të tillë” duke shtuar se “ky udhëtim ka qenë më i mahnitshëm nga sa mund ta imagjinonim ndonjëherë”.
Da Brat, emri i vërtetë i së cilës është Shawntae Harris, i befasoi fansat me lajmin për shtatzëninë e saj në shkurt të këtij viti.
