Përpjekje pa dobi! Brad Pitt vijon ta ketë punën ‘pisk’ me fëmijët

Brad Pitt ka ende raporte “të tendosura” me fëmijët e tij dhe të Angelina Jolie.

Një burim për Us Weekly ka thënë se ai nuk flet me pjesën më të madhe të tyre pavarësisht “shumë  përpjekjeve për t’u bashkuar” dhe kjo “i ka shkaktuar shumë dhimbje”.

61-vjeçari “mbart një peshë të madhe emocionale” sa i përket familjes.

Nga gjashtë fëmijët, ai takohet “rregullisht” me binjakët, Knox dhe Vivienne, 16 vjeç. “Pjesa tjetër e marrëdhënieve janë të tendosura”, thotë burimi duke iu referuar Maddox, Pax, Zahara dhe Shiloh.

“Megjithatë ai dihet që i kalon gjërat qetësisht dhe privatisht”,  përfundon burimi.

Javën e shkuar, në një intervistë për Entertainment Tonight, Pitt tha se kishte bërë “gabime”, por “të mësuarit prej tyre e bëjnë të ndihet me këmbë në tokë.”

Në 18-vjetorin e saj, Shiloh hoqi ligjërisht mbiemrin e Pitt. Zahara dhe Vivienne gjithashtu prezantohen me “Jolie”. Në vitin 20220, Pax postoi në Instagram dhe e quajti të atin “ndyrësirë të klasit botëror”, ndërsa Maddox i ka shmangur pyetjet rreth tij.