Po, ju mund të mbeteni shtatzënë gjatë periudhës menstruale, veçanërisht nëse keni një cikël të çrregullt

Shumica e grave përjetojnë cikle të çrregullta që e bëjnë të vështirë të gjurmosh kur do të ovulosh për të parandaluar shtatzëninë.

Nëse përjetoni një cikël jashtëzakonisht të shkurtër brenda muajit, atëherë koha kur ovuloni mund të mbivendoset me periudhën tuaj menstruale dhe mund të mbeteni shtatzënë nëse keni marrëdhënie intime të pambrojtura rreth asaj kohe shkruan BusinessInsider.

Ndjekja e menstruacioneve dhe ovulimit është një mënyrë për të parandaluar shtatzëninë, por mënyra më efektive është përdorimi i kontraceptivëve hormonal.

Thuhet se gratë janë më fertile tre ditë para ovulimit, gjatë ovulimit dhe dy deri në tre ditë më pas. Pasi të keni ovuluar, sistemi juaj e nxjerr vezën brenda 12-24 orësh nëse nuk është fekonduar.

Dhe nuk do të jeni në gjendje të ngeleni shtatzënë deri herën tjetër kur të ovuloni. Dita e parë e menstruacioneve shënon fillimin e ciklit tuaj, por shumica e grave nuk kanë ovulim deri në mes të ciklit menstrual.

Sidoqoftë, ciklet ndryshojnë në gjatësi për secilin grua, që do të thotë se dritarja e pjellorisë mund të ndodhë herët ose vonë.

Periudhat e parregullta rrisin rrezikun e një shtatzënie të papritur

Për gratë me cikle të rregullta, është e lehtë të gjurmosh se kur do të ovulosh për të parandaluar shtatzëninë.

Sidoqoftë, shumë gra përjetojnë cikle të parregullta, gjë që e bën më të vështirë të dihet se kur do të filloni menstruacionet dhe kur do të keni ovulim.

Ju mund të mbeteni shtatzënë gjatë periudhës tuaj nëse ndodh që të ovuloni herët gjatë një cikli të shkurtër.

Për shembull, dikush me një cikël prej 24 ditësh mund të ovulojë që në ditën e shtatë. Pra, nëse periudha juaj zgjat gjithë javën që mbaron në ditën e shtatë dhe keni pasur marrëdhënie intime gjatë asaj kohe, mund të mbeteni shtatzënë.

Pra, mundësia e ovulimit afër periudhës tuaj është e ulët, por jo e pamundur.