Po lundronte me jet ski në Ksamil/ Bie nga mjeti 14-vjeçarja, dërgohet tek Trauma për mjekim të specializuar
Një 14-vjeçare u plagos këtë të martë gjatë pushimeve në Ksamil, pasi ra nga jet ski.
Shtetasi G. Gj., 20 vjeç, duke lundruar me një mjet lundrues Jet Ski së bashku me motrën e tij 14-vjeçare, dyshohet se ka humbur kontrollin mbi drejtimin e mjetit lundrues dhe si pasojë e rrëzimit në det, ka mbetur e dëmtuar shtetasja e mitur.
14-vjeçarja do të dërgohet për ndihmë mjekësore të specializuar në Tiranë dhe ndodhet jashtë rrezikut për jetën.
Mjeti lundrues është shoqëruar në portin e Sarandës për verifikime të mëtejshme nga Policia Kufitare, ndërsa grupi hetimor vijon punën për sqarimin e plotë të rastit.
