Princi William me një video mesazh në Instagram me princeshë Charlotte
Të gjithë në Angli janë përfshirë nga ethet e vajzave të kampionatit të futbollit Euro 2022.
Edhe Princi William dhe Princesha Charlotte do të jenë në Wembley sonte për ndeshjen finale të Anglisë kundër Gjermanisë.
Duka i Kembrixhit postoi një video në llogarinë e tij zyrtare në Twitter këtë mëngjes, në të cilën ai dhe Charlotte u japin zemër luaneshave të ekipit kombëtar.
“Ne të dy duam t’u urojmë shumë fat luaneshave sonte. Ju keni qenë të jashtëzakonshme në këtë kampionat dhe ne do ju mbështesim deri në fund të rrugës tuaj, – tha Will.
“Paçi fat! Shpresoj që të fitoni! Mirupafshim! – vijoi në video Charlotte.
Nuk është sekret që familja mbretërore i pëlqen sportet dhe Kembrixhët nuk bëjnë përjashtim. Ndërsa Dukesha është një fanse e tenisit dhe regbit, Duka dhe fëmijët janë tifozë të zjarrtë të futbollit. Princi William, i cili është gjithashtu president i Shoqatës së Futbollit, merr pjesë rregullisht në ndeshjet e kampionateve.
Duka i Kembrixhit vizitoi madje ekipin e futbollit të femrave në St George’s Park, në Staffordshire, muajin e kaluar. Atje princi William zbuloi se Princesha Charlotte iu lut që t’u tregonte luaneshave se ajo është një tifoze futbolli, ashtu si vëllai i saj i madh George.
Luaneshat angleze do të përballen sonte në mbrëmje me gjermanet për titullin e kampionatit europian të futbollit për femra. Ky është kampionati i parë europian i femrave që zhvillohet në Angli që nga viti 2005. UEFA e ka cilësuar edicionin e 13-të si ngjarja më e madhe sportive e femrave në historinë europiane.
