Psikologia shpjegon pse është më mirë të ndaloni së puthuri fëmijët tuaj në buzë

Sa herë që një person i famshëm poston foto duke puthur në buzë fëmijën e tij/saj shkaktohet një diskutim në komente nëse është e pranueshme apo jo. Mjekët thonë se fëmijët duhet të ndihen të dashur dhe të sigurt në mjedisin familjar. Por puthja në buzë nuk është ideja më e mirë për të shprehur dashurinë prindërore.

Buzët dhe goja janë kufijtë personalë të trupit të një fëmije, shpjegon psikologia Charlotte Reznick. Kur puthni një fëmijë në buzë, i tregoni se kufiri i trupit të tij është i hapur dhe se dikush mund të hyjë në territorin e tyre pa asnjë problem.

Kjo gjithashtu përfshin edhe kur e vishni fëmijën me gjëra të ngushta pa dëshirën e tyre, ushqyerjen me forcë ose gudulisjen pa dëshirë. Kështu, prindërit mund të rrisin rrezikun që fëmija i tyre të zhvillojë një “sindromë të viktimës” me pamundësinë për të thënë “jo” dhe për të menaxhuar kufijtë e tyre personalë.

Mjekët, dhe veçanërisht dentistët, paralajmërojnë se në gojën tonë ka një numër të madh mikrobesh që mund të mos infektojnë të rriturit, por mund të transmetohen te fëmijët dhe t’i dëmtojnë shumë. Dhe duke qenë se fëmija ka një sistem imunitar më të dobët, sqaron Charlotte Reznick, disa infeksione të rrezikshme mund të hyjnë në trupin e tyre.

Fëmija mund të fillojë të sillet në të njëjtën mënyrë që i keni mësuar në shtëpi, por jashtë rrethit familjar. Psikologia tregon se, edhe nëse do të ishte një gjest i pafajshëm nga ana e prindërve, fëmijët i mësojnë gjërat me mimika. Kështu që ata mund të përpiqen të përsërisin të njëjtin gjest me të tjerët, pa e kuptuar implikimin intim të këtij gjesti. Kjo është arsyeja pse ajo rekomandon puthjen e fëmijës vetëm në faqe ose në ballë.

Share With:
Translate »
14 Views