Si ndikon gjumi tek fëmijët?

Dërgimi i fëmijëve në shtrat në një kohë të caktuar i jep prindërve kohë për veten e tyre, por një studim i ri tregon se një rutinë ndihmon edhe tek sjellja e fëmijëve.
Studjuesit nga University College London mblodhën të dhëna për orarin e gjumit të më shumë se 10 mijë fëmijëve të moshës 3, 5, dhe 7 vjeç gjatë një periudhe katër vjeçare, sëbashku me raportet rreth problemeve të sjelljes nga mamatë dhe mësueset e tyre.
Analiza tregoi një lidhje të qartë dhe statistikisht domethënëse mes orarit të gjumit dhe sjelljes së fëmijëve. Studjuesit thonë se gjumi i parregullt ndikon në sjelljen e tyre, duke ndërhyrë në ritmin natyror të trupave të tyre, dhe duke shkaktuar pagjumësi që ndikon në zhvillimin e trurit.
Problemet me sjelljen u përkeqësuan kur fëmijët filluan shkollën pa ndryshim në orarin e tyre të gjumit, por kishte përmirësime të dukshme nëse fëmijëve u ishte dhënë një orar i rregullt gjumi.
Ngaqë efektet e orarit të parregullt të gjumit duket se mund të riparohen, dhe zhvillimi në fëmijëri ka një ndikim të rëndësishëm në shëndetin e mëvonshëm, autorja kryesore e studimit Yvonne Kelly sugjeron që rishikimi i orareve të gjumit të jetë një pjesë e rregullt e rutinës së kujdesit shëndetësor. Studimi është botuar në revistën Pediatrics .