Si të përgatisim krem kundra diellit në kushte shtëpie

Me ardhjen e pranverës, në çantën e gjithësecilës prej jush nuk duhet të mungojë kurrsesi një produkt thelbësor siç është kremi kundra diellit.  Ai mbron lëkurën nga ekpozimi i vazhdueshëm i rrezeve të dëmshme ultravjollcë të cilat plakin lëkurën dhe shkaktojnë kancer të saj. Fatmirësisht në ditët e sotme tregu ofron pafundësi kremërash kundra diellit, me faktor mbrojtës që variojnë nga 10 deri në 100, por të gjithë e dini që janë produkte me përmbatje kimike. Përvecse janë shumë të kushtueshëm, ne i përdorim me frikë edhe tek fëmijët tanë. Kids Time ju sjell këtë recetë të veçantë dhe të thjeshtë që ju mund ta përgatisni lehtë në shtëpi.
Përbërësit: 50 gr dyll blete, 100 ml vaj ulliri ekstra i virgjër, 3-5 lugë oksid zinku (duhet të dini që çdo lugë oksid zinku përfaqëson faktor mbrojtës +10), 3-5 kapsula vitaminë E, 10-15 pika vaj esencial bajamesh.
Përgatitja: Në një tenxhere shtoni fillimisht vajin e ulllirit dhe kapsulat xhelatinoze me përmbajtje vitaminë E. Përziejini dhe vendoseni tenxheren të ziejë në proces banjomari. Shtoni dyllin e bletës, i cili duhet të jetë i grimcuar në pjesëza të vogla që të tretet më lehtë. Vendosni doreza dhe maskë për t’u mbrojtur dhe shtoni sipas dëshirës oksidin e zinkut. Siç u përmend më lart, çdo lugë oksid zink është e barabartë me filtër mbrojtës +10. Ulni gradimin e zjarrit dhe vazhdoni përzierjen. Në fund shtoni vajin e bajameve ose vajin tuaj të preferuar. Kur të vini re krem është homogjen dhe i lidhur mirë, hiqeni nga tenxherja dhe hidheni në një vazo qelqi ose shishe në formë sprucatori. Lëreni të pushojë të paktën një ditë dhe më pas mund ta përdorni sipas dëshirës.  Ky krem do ju sigurojë mbrojtje të shkëlqyer dhe efektive nga rrezet e diellit, si dhe stimulon prodhimin e vitaminës D pa dëmtuar lëkurën.