Studimi: Një në tre fëmijë janë miopë. Ndikim negativ ka pasur izolimi gjatë pandemisë

Shikimi i fëmijëve po përkeqësohet vazhdimisht me një në tre që janë miopë ose të paaftë për të parë qartë në distancë, sipas një studimi global. Sipas studiuesve, izolimi gjatë pandemisë së Covid-19 pati një ndikim negativ në shikim pasi fëmijët shpenzonin më shumë kohë në ekrane dhe më pak jashtë.

Sipas studimit, miopia është një shqetësim global shëndetësor në rritje, i cili pritet të prekë miliona fëmijë të tjerë deri në vitin 2050. Normat më të larta janë në Azi – 85 përqind e fëmijëve në Japoni dhe 73 përqind në Korenë e Jugut janë miopë me më shumë se 40 përqind të prekur në Kinë dhe Rusi.

Paraguai dhe Uganda, me rreth 1 përqind, kishin disa nga nivelet më të ulëta të miopisë, dhe Mbretërinë e Bashkuar, Irlandën dhe SHBA të gjitha rreth 15 përqind.

Studimi, i botuar në British Journal of Ophthalmology, shqyrtoi kërkimet që përfshinin më shumë se pesë milionë fëmijë dhe adoleshentë nga 50 vende në të gjashtë kontinentet. U zbulua se miopia u trefishua midis 1990 dhe 2023 – duke u rritur në 36%, dhe rritja më befasuese ndodhi pas pandemisë së Covid-19.