Temperatura e lartë në shtatzëni: Përse shfaqet dhe a ndikon në zhvillimin e bebes

Kurrfarë ilaçesh mos merrni pa rekomandimin e mjekut

Çdo shtatzënë e cila ka ngritje temperature me siguri do të mendojë se a do t’i bëjë dëm bebes së saj. Mirëpo, para se të krijoni panik, merrni frymë thellë.

Thirrni mjekun tuaj dhe pyesni a duhet të merrni ilaçe për ulje temperature dhe kurrsesi mos i merrni “krye në vete”.

Hap tjetër i rëndësishëm është të zbuloni cili është shkaktari i temperaturës së ngritur. Ndonjëherë mund të jetë simptomë e një gjendjeje të zakonshme e cila potencialisht mund të dëmtojë beben tuaj, transmeton Telegrafi.

Si mund të ndikojë temperatura te bebja juaj?

Nëse temperatura e trupit të nënës së ardhshme i kalon 37 gradë, kjo është një shenjë se po luftoni një infeksion. Prandaj, duhet të filloni shërimin.

Një hulumtim i ri i cili është bërë në embrionet e kafshëve, tregon lidhjen midis temperaturës në shtatzëninë e hershme dhe rrezikut të shtuar nga defektet e zemrës dhe të nofullave me rastin e lindjes.

Janë të nevojshme hulumtime të mëtejshme në mënyrë që të konstatohet nëse vetë temperatura dhe jo infeksioni i cili e shkakton atë, rrit rrezikun e defekteve të lindura te njerëzit.

Nëse jeni në tremujorin e parë dhe keni temperaturën më të lartë se 38.8 gradë, patjetër kërkoni terapinë sa më parë. Kjo mund të ndihmojë në parandalimin e komplikimeve afatshkurtra dhe afatgjata për fëmijën tuaj në zhvillim.

Pse shfaqet temperatura gjatë shtatzënisë?

Shpesh shkaktohet nga infeksionet e traktit urinar dhe viruset e frymëmarrjes, por shkaktarët mund të jenë edhe infeksione të tjera. Shkaqet e zakonshme të etheve gjatë shtatzënisë janë:

• Gripi
• Pneumoni
• Tonsiliti
• Virusi i stomakut
• Infeksioni i veshkave

Cilat simptoma zakonisht shoqërojnë temperaturën e lartë gjatë shtatzënisë?

Duhet t’i kushtoni vëmendje të gjitha simptomave shoqëruese dhe të informoni mjekun. Ato zakonisht përfshijnë:

• Frymëmarrje e shkurtër
• Dhimbje shpine
• Të dridhura
• Dhimbje stomaku
• Frenimi i derës

Nëse temperatura e ngritur zgjat për një kohë të shkurtër dhe ju mendoni se është krejtësisht e padëmshme, është mirë të telefononi mjekun tuaj dhe ta informoni për ndryshimet.

Në shumicën e rasteve, gjithçka është në rregull dhe gratë do të jenë më të sigurta pas kontaktit me mjekun dhe nuk do të mendojnë nëse temperatura e ngritur do të ketë pasoja për fëmijën.

Share With:
Translate »
22 Views