U bë nënë për herë të dytë! Fatma zbulon emrin e të birit dhe kuptimin e veçantë

Moderatorja e njohur Fatma Haxhialiu, e cila u bë nënë për herë të dytë disa ditë më parë, zbuloi sot emrin e veçantë që ajo dhe bashkëshorti vendosën për djalin e tyre.

Përmes një postimi në Instagram, Fatma bëri me dije se emri që ajo i ka vendosur djalit është Noar.

“Emër i vjetër Ilir referuar lumit Noarus. Në kultura e fe të tjera. Dritë, I ndriçuar, ai që sjell dritën. Referuar ndriçimit të butë të hënës dhe diellit”, shkruan Haxhialiu krahas disa fotove mjaft të bukura të bebes Noar.