Vetëm pesë vjeç, North West fillon punë dhe mami Kim është shumë krenare

Nëse je një Kardashian, nuk është asnjëherë shumë herët për të nisur karrierën në biznes.

North West ka marrë pjesë në fushatën e parë publicitare së bashku me nënën e saj Kim Kardashian dhe gjyshen Kris Jenner. Tre gjeneratat pozuan për 10-vjetorin e çantës historike #MeandMyPeekaboo të “Fendi”.

“Fendi është familja e grave. Dhe kështu janë edhe Kardashians. Ata janë një familje e femrave të forta dhe me personalitet. E ndjen këtë sapo shkelin këmbë në të njëjtin ambjent me ty. Ato janë shumë të relaksuara dhe nuk kushtojnë aspak rëndësi se çfarë ndodh rreth tyre” – tregoi Silvia Venturi, drejtoresha kreative e “Fendi”.

Video e plotë do të bëhet publike ditën e martë me 10 Korrik, ku do të marin pjesë edhe motrat amerikano-koreane Jessica dheKrystal Jung, si dhe Clara & Esther McGregor, vajzat e aktorit Ewan McGregor. /IS/