Video/ Cardi B surprizon 11-vjeçaren me kancer, vogëlushja nuk i përmban lotët nga emocionet
Reperja me famë botërore Cardi B, ka ditur si të surprizojë një fanse të saj, e cila së fundmi është diagnostikuar me kancer.
Cardi ka përgatitur me duart e veta një paruke, të cilën ia ka dhuruar një 11-vjeçareje.
Reperja e njohur ka ndarë të gjithë këtë moment me ndjekësit e saj, me anë të një postim në “Facebook”.
Në video reperja shfaqet duke mësuar artin e krijimit të një parukeje, nga prodhuesi i tyre, Tokyo Stylez.
“Paruket janë të shtrenjta. Jam me të vërtetë e lumtur që parukja që bëra sot, do të dhurohet. Shpresoj t’i shkojë një njeriu të veçantë”, shprehet reperja në video.
Në fund të episodit, 11-vjeçarja Khloe hap kutinë e dhuratës dhe kur shikon paruket brenda “fluturon” nga gëzimi.
Më pas e vendos në kokë dhe nuk i ndalon lotët t’i rrjedhin ndër faqe prej emocioneve.
