1 viktimë dhe më pak se 100 raste të reja me Koronavirus në vend

Gjatë 24 orëve të fundit janë shënuar 69 raste të reja me Koronavirus, nga 994 testime të kryera. Për herë të parë që nga vera e vitit 2020 rastet janë ulur nën 100.

Rastet pozitive të konfirmuara janë identifikuar në këto bashki: 22 raste në Tiranë, 7 raste në Berat, 6 raste në Fier, 5 raste në Skrapar, 4 raste në Durrës, Elbasan, Vlorë, 2 raste në Kurbin, Kukës, Mirditë, Gjirokastër, 1 rast në Shkodër, Kukës, Lezhë, Gramsh, Lushnje, Përmet, Delvinë, Vau Dejës, Dibër.

Po në 24 orët e fundit ka humbur jetën vetëm 1 qytetar i moshës 69-vjeç. Po ashtu, janë shëruar 737 qytetarë, duke e çuar numrin e të shëruarve në 106,465 që nga fillimi i epidemisë. Aktualisht në spitalet COVID në Tiranë dhe tre spitalet rajonale po trajtohen 147 pacientë, 12 në terapi intensive, nga të cilët 4 pacientë janë të intubuar.