7 Marsi, ditë për të kujtuar mësuesit që na mori Covid-19!

Këtë vit 7 Marsi nuk festohet në shkollë. Nxënësit nuk i çojnë lule udhërrëfyesve të dijes. As mësuesit nuk po i përqafojnë nxënësit sepse u ka hyrë në mes Covíd-19. Pandemía e 2019-ës u krijoi më shumë sfida mësuesve. Nga bankat e shkollës ata u detyruan të japin mësim përmes një ekrani virtual duke krijuar një distancë më të madhe që zbehu raportin mësues-nxënës dhe e anasjella. Pavarësisht sesa e rrezikshme ishte situata shumë mësues u kthyen në klasa dhe auditorë. Disa u ínfektuan me Covíd-19, disa ia dolën dhe të tjerë humbën jetën nga sëmundja e rëndë. Prandaj në Ditën e Mësuesit duhet të kujtojmë jo vetëm mësuesit që dhanë mësim në shkollën e parë shqipe më 7 mars 1887, por këtë viti duhet të kujtojmë ata që humbën jetën nga kovídi në krye të detyrës.

Ishte mësuesja e italishtes dhe përkthyesja Kozeta Noti e cila humbi jetën tek Infektívi në dhjetor të 2020-ës. Largimi i Kozetës i trishtoi të gjithë, e sidomos ata që patën fatin të mësoheshin prej saj.

Mësuese Irena Bajlozi nga Përrenjasi humbi jetën si pasojë e vírusit, pas shumë ditësh lufte me të. Vírusi e mundi fizikisht, por nuk mundi dot shpirtin e mësueses që ia kushtoi gjithë jetën muzikës.

Irena Bogdani, pedagoge në Universitetin e Tiranës ndërroi jetë nga Covid-19 në moshën 62-vjeçare.

Një tjetër mësues që humbi jetën gjatë 2020-ës ishte Enrik Çefa nga Shkodra. Çefa ishte një nga mësuesit më të mirë dhe të dashur të muzikës në Shkodër.

Xhevit Dermyshi nga Gramshi, Leonard Xhemollari nga Pogradeci dhe Gazjon Rusi, nga Shkodra janë në mesin e mësuesve që e humbën betejën me sëmundjen që po mundon botën./dritare.net