Kolegji që u ofron para studentëve, për të shmangur udhëtimet gjatë pushimeve

Ndërsa universitetet përpiqen të mbajnë studentët në kampus gjatë pushimeve të pranverës mes shqetësimeve në lidhje me udhëtimet gjatë pandemisë së koronavirusit, një institucion po ofron një stimul financiar.

Universiteti i Kalifornisë, Davis, po siguron 75 dollarë grante për studentët që qëndrojnë në qytetin e kolegjit verior të Kalifornisë gjatë pushimeve pranverore këtë muaj.

“UC Davis u kërkon të gjithëve në bashkësinë universitare të shmangin të gjitha udhëtimet jo-thelbësore gjatë pushimeve të pranverës,”- shkroi kancelari Gary May në një azhurnim për komunitetin shkollor javën e kaluar që theksoi partneritetin qytet-kampus.

Përgjigja deri më tani ka qenë “jashtëzakonisht pozitive”, tha për ABC Neës zëdhënësja e UC Davis, Melissa Blouin. Shkolla do të ketë më shumë informacion se sa nxënës aplikuan pas afatit, tha ajo. Ka rreth 5,900 studentë në kampus.

Studentëve dhe stafit të UC Davis u kërkohet të shmangin të gjitha udhëtimet jo-thelbësore në përgjithësi. Por për ata që zgjedhin të udhëtojnë gjatë pushimeve të pranverës, shkolla ka këshilluar që të testohen për COVID-19 çdo tre deri në katër ditë gjatë dy javëve para datës së nisjes dhe pasi të kthehen. Studentët që shkojnë jashtë shtetit gjithashtu do të duhet të vetë-karantinohen për 10 ditë pas kthimit, sipas udhëzimeve të shtetit.