Zhduket 14-vjeçari nga Shkodra, familja apelon për ndihmë

Një djalë 14-vjeçar nga Shkodra është zhdukur prej 24-orësh. Ai quhet Valentin Çarkaji dhe familja e tij ka bërë apel për ndihmë. Valentini jeton prej vitesh jashtë vendit dhe nuk e njeh mirë qytetin e Shkodrës, thanë familjarët. Ata kanë bërë denoncim edhe në rajonin e Policisë, pasi i riu ka humbur ditën e diel, kur tha se do të shkonte të lahej në lumë me një shok. Shoku i tij u kthye, por nuk ka dijeni se ku ndodhet Valentini. Kush ka informacione, u shpreh familja, është i lutur të kontaktojë në numrin e celularit: 069 62 69 778.