Rihanna shtatzënë për herë të parë: Këngëtarja tregon barkun e rrumbullakosur!

Zyrtarisht, Rihanna është shtatzënë! Ylli i pop-it dhe partneri i saj A$AP Rocky do të bëhen së shpejti prindër dhe s’mund ta ndanin lajmin me botën në mënyrën më origjinale se kaq!

33-vjeçarja dhe reperi janë fotografuar së fundmi në Neë York ku Riri, e veshur me xhinse dhe një xhaketë rozë tregoi *qartazi* barkun e rrumbullakosur.

Në të gjitha fotot, të përqafuar dhe me duart e shtrënguara, dyshja dukeshin më të lumtur se kurrë. Sigurisht, sytë e të gjithëve do ndalojnë shumë më gjatë tek Rihanna!

Thashethemet për një shtatzëni të mundshme nisën që në nëntor të vitit të shkuar, pas publikimit të disa fotove nga pjesëmarrja e saj në  Barbados, ku festoi momentin e rëndësishëm të shkëputjes nga Britania e Madhe dhe u nderua si Heroinë Kombëtare nga Barbados, republika më e re në botë.