Edi, Joni dhe Dielli, janë të gjithë në shërbim të vajzave të shtëpisë, Arbanës dhe Zoit të vogël

Ditën e djeshme Arbana Osmani u bë nënë për herë të tretë pasi solli në jetë vajzën, për të cilën moderatorja dhe partneri i saj, Eduart Grishaj, kanë zgjedhur emrin Zoi. Një ëndërr të bërë realitet e ka quajtur Arbana ardhjen në jetë të së bijës, teksa nuk kanë munguar urimet e shumta nga ndjekësit, fansat, miqtë e shumë personazhe të njohur, disa prej të cilave ajo i ka ndarë edhe në rrjetet sociale.

Ndërkohë sot, dita ka filluar më bukur se asnjëherë për moderatoren dhe Zoin e vogël sepse dy vizitorët e parë, më saktë 3 viziotorët e parë të tyre kanë qenë vërtetë të veçantë. Nga postimet e Arbanës në InstaStory shohim që vizitat e para të kësaj të premtje kanë qenë nga ata që tashmë janë vëllezërit e mëdhenj, Joni dhe Diell.

Në fakt ata kanë qenë edhe dje të pranishëm pranë së ëmës dhe motrës, ndërsa Osmani tregoi se që tani të gjithë janë të çmendur pas Zoit.

Sigurisht që pranë së bijës nuk mund të mungonte as babi, Eduarti, prania e të cilit nuk ka nevojë për fjalë të tepërta, mjafton të shihni vështrimin në sytë e tij.