VIDEO/ Paniku nga tërmeti, Rama: Të gjithë vraponin të dilnin jashtë, por jo këto gra të jashtëzakonshme

Kryeministri Edi Rama e ka nisur ditën sot me një mesazh mirënjohës për stafin e materniteteve.

Rama shprehet mes të tjerash se kur të gjithë vraponin të dilnin jashtë për shkak të tërmetit, këto gra rendën drejt inkubatorëve të bebeve të porsalindura.

“MIRËMËNGJES

dhe me mirënjohjen e thellë, për këto gra të jashtëzakonshme, të cilat kur tundej toka nga tërmeti e të gjithë vraponin të dilnin jashtë nga shtëpitë, dyqanet, restorantet e çdo vend i mbyllur ku i gjeti goditja e frikshme sizmike, rendën drejt inkubatorëve të bebeve të porsalindura dhe shtretërve tē nënave lehona e të grave shtatzëna, ju uroj një ditë mbarë’, shkruan Rama krahas videos.