Adoleshentët më të famshëm të atyre viteve! Vesa Luma publikon fotot e rralla me Luizin në “Ethet e së Premtes”

Këngëtarja e njohur shqiptare, Vesa Luma, këto ditë është rikthyer nga Zelanda e Re në vendlindje.

Ajo ka shfrytëzuar rastin që të çmallet me familjarët e saj dhe shoqërinë në Prishtinë, gjersa duke qenë në shtëpinë e vendlindjes, nuk ka hezituar që të shfletojë edhe arkivat.

Më saktësisht, këngëtarja Luma ka publikuar në InstaStory disa fotografi nga Revista “Trendy” e vitit 2004.

Foto: Vesa Luma/InstaStory

Në kopertinë ndodheshin yjet e atëhershëm të spektaklit të talenteve “Ethet e së premtes”, që tashmë janë emra të njohur të tregut muzikor shqiptar.

“E more Luiz, na ktheve 20 vjet mbrapa”, ka shkruar Vesa në një fotografi, ku shihej bashkë me Rona Nishliun, Teuta Kurtin dhe fenomenin e Big Brother VIP Albania 2, Luiz Ejllin.

Foto: Vesa Luma/InstaStory

Për këtë të fundit, ajo ka publikuar edhe “pasaportën” që i ishte dedikuar në një prej faqeve të revistës, ku tregoheshin detaje rreth karakterit të tij.

Foto: Vesa Luma/InstaStory

Luizi e ka nisur karrierën në “Ethet e së premtes”, për të vazhduar më pas në Festivalin e RTSh-së në dhjetor të vitit 2005, ku u shpall fitues dhe përfaqësoi Shqipërinë në “Eurovision 2006”.

Si Luizi, ashtu edhe Vesa, Rona dhe Teuta janë emra të njohur të muzikës shqiptare, që ndër vite janë vlerësuar me çmime të rëndësishme në festivale dhe kompeticione të muzikës.

Share With:
Translate »
171 Views