“Baba i dashur”/ Letra që zbulon marrëdhënien që kishte Diana me Princin Philip

Princi Philip, i cili u nda nga jeta në moshën 99-vjeçare raportohet se ka pasur një marrëdhënie të shkëlqyer me Lady Dianën.

Së fundmi, mediat e huaja kanë publikuar edhe letrat mes tyre, ku vihet re se Diana i drejtohet me fjalët: “baba i dashur”.

Në një nga letrat për nusen e familjes, Duka i Edinburgut shkruante: “Nuk aprovojmë që njëri nga ju të ketë lidhje jashtëmartesore. Charles, në një pozicion të tillë u tregua budalla duke rrezikuar gjithçka për Camillën.

Ne kurrë nuk mund ta imagjinonim se do të linte për të. Askush me logjikë nuk mund të të lërë ty për Camillën. Një gjë e tillë kurrë nuk na ka shkuar në mendje”.

Letrat e princit Philip drejtuar “Mbretëreshës së Zemrave” filluan nga qershori i vitit 1992 dhe vazhduan deri në dhjetor të atij viti. Duka i Edinburgut i shkruante nuses së tij çdo ditë dhe ajo i përgjigjej duke e quajtur atë “baba i dashur”.