Bëm baba të të ngjaj, djali i Diddy-t akuzohet për abuzimin e një gruaje në grup

Përveç Diddy-t , edhe djali i tij Justin Combs po përballet me akuza të rënda pasi dyshohet se ka përdhunuar një grua në grup, sipas një padie të re të ngritur në Kaliforni. Dosja, e siguruar nga PageSix, përfshin akuza tronditëse nga një grua që pretendon se është mashtruar nga Justin Combs për të udhëtuar në Los Angeles, ku ajo pretendon se është përdhunuar nga Diddy dhe dy burra të tjerë me fytyrat e mbuluara.

Sipas paditëses, komunikimi i saj me Justin Combs filloi në prill 2017 nëpërmjet Snapchat, kur ai i kërkoi foto nudo të saj. Disa ditë më vonë, ai e ftoi në Los Angeles, duke i thënë se mund ta ndihmonte të niste një karrierë në industrinë e argëtimit nëpërmjet lidhjeve të babait të tij.

Kur ajo mbërriti në Kaliforni, siç përshkruhet në padi, ajo u çua nga një shofer në një rezidencë në Beverly Hills, ku kaloi natën me Justin Combs. Ajo pretendon se i kërkoi atij të largohej nga shtëpia, por ai refuzoi. Më pas ai i ofroi pije, pilula dhe marihuanë, të cilën ajo pretendon se ishte e falsifikuar.

 

 

Pasi ajo konsumoi drogën, ajo pretendon se tre burra me fytyrat e mbuluara u shfaqën në shtëpi, përfshirë Diddy-n, të cilin ajo e njohu, thotë ajo, nga lëvizjet dhe sjellja e tij, ndërsa dëgjoi Justin Combs ta quante “baby”. Ata e çuan në një dhomë gjumi dhe i thanë : “Më mirë ta lejosh këtë të ndodhë. Përndryshe…” Gruaja pretendon se është përdhunuar në grup nga nata e së shtunës deri në pasditen e së dielës. Të hënën, ajo u çua në aeroport.

Avokati i Sean Combs i mohoi akuzat, duke deklaruar: “Pavarësisht se çfarë dokumentesh gjyqësore paraqiten, kjo nuk e ndryshon faktin se Z. Combs nuk ka abuzuar ose trafikuar kurrë seksualisht askënd, mashkull apo femër, të rritur apo të mitur. Ne jetojmë në një botë ku kushdo mund të ngrejë një padi për çfarëdo arsye. Për fat të mirë, ekziston një proces gjyqësor i drejtë dhe i paanshëm që do të zbulojë të vërtetën, dhe Z. Combs është i bindur se do të shfajësohet në gjykatë.”

Diddy përballet me akuza për përdhunim, sulm seksual, trafikim qeniesh njerëzore dhe organizatë kriminale, dhe përballet me një dënim të mundshëm me burgim të përjetshëm.