“Duhet të bëni atë dreq detyre”, Rama flet për rikthimin e karantinës në vend

Përgjatë ditëve të fundit, numri i të infektuarve me Koronavirus është rritur ndjeshëm. Mbi 800 raste të reja pothuajse çdo 24 orë.

Nga kjo, është e natyrshme të lindë pyetja: “A do të rikthehet karantina?”. Pikërisht për këtë është pyetur Rama gjatë një konference për mediat. Ai tha se nuk po mendohet për një mbyllje të dytë, por qytetarët duhet të respektojnë rregullat.

“Nuk janë numra që nuk i prisnim, por duke u mbyllur nuk është se ikën Koronavirusi, thjesht ekspozimi është më i vogël. Ama nuk mund të rrimë mbyllur sepse është e pamundur. Strategjia është të ecim me kujdes, duke iu thënë njerëzve të bëjnë atë dreq detyre të zbatimit të masave të thjeshta”, u shpreh Kryeministri.

Share With:
Translate »
392 Views