E pyesin nëse është shtatzënë dhe përgjigja e Dojnës është ajo që prisnim

Dojna Mema aktualisht po shijon pushimet dhe nuk ka nisur ende një emision në televizion. Moderatorja është mjaft aktive në rrjete sociale, ku ndan me ndjekësit pothuajse çdo gjë nga përditshmëria e saj.

Së fundmi, Mema publikoi një video në llogarinë e saj në Instagram, në të cilën shihet duke pozuar me disa çanta. Në disa momente, ajo mbulon barkun me çantë dhe kjo ka ngritur dyshimet se moderatorja është shtatzënë për herë të parë.

 

“Je shtatzënë?”, e pyeti një nga ndjekësit. Dojna vendosi që të përgjigjet publikisht duke hedhur poshtë thashethemet. Ajo shkroi: “Po, me një pite me djathë”, shoqëruar me një emoji duke qeshur me lot.

Dojna dhe partneri i saj, Vlashent Sata, kanë më shumë se tre vite bashkë, por vetëm para disa muajsh dyshja e bëri publike lidhjen.

 

Mema ka treguar se është e vështirë të mbash një marrëdhënie në distancë, por jo e pamundur. Kjo sepse, Vlashenti udhëton shpesh drejt Parisit, pasi është pedagog në një universitet atje.