Ekspertët paralajmërojnë: Maskat e bëra në shtëpi nuk mbrojnë nga variant i ri i Covid

Autoritetet e shëndetit në Francë i kanë këshilluar njerëzit që të mos mbajnë maska të bëra vetë në shtëpi. Kjo pasi sipas tyre ato nuk ofrojnë mbrojtje ndaj variantit të ri të Covid. Ndërkohë, komiteti i shkencëtarëve thotë se maskat e kategorisë së dytë ka gjasa që të mos e ndalojnë përhapjen e “virusit të ri anglez” apo të varianteve të tjera nga Brazili dhe Afrika e Jugut.

Më konkretisht, Daniel Camus, nga Instituti Pasteur në Lille është shprehur se:

Maskat me material të kategorisë së dytë filtrojnë vetëm 70 për qind, ndërsa maskat e kategorisë së parë, siç janë ato kirurgjikale, mund të mbrojnë deri në 95 për qind nëse mbahen siç duhet. Ndërsa ky varianti përhapet më shpejt, është e logjikshme që duhet të përdoren maska me më shumë mbrojtje.