Është rradha për një festë ditëlindjeje në shtëpinë e Kardashianve pas gjithë lajmeve të shtatzanisë

Dream Renee Kardashian, vajza e Rob Kardashian, vëllait të motrave të famshme, ka mbushur 1 vjeç, dhe festa e saj e ditëlindjes ishte më glamour se ç’mund të ketë qenë ndonjëherë ditëlindja e një 1-vjeçareje.

Kjo sepse babai i saj i ka dhuruar një Mercedes rozë me rastin e gëzuar, dhe Dream nuk ka ngurruar ta bëjë menjëherë të sajin, duke u rehatuar në makinë.

Normalisht, makina është lodër, por e dimë se cila do të jetë dhurata për 16-vjetorin e saj, sapo të marrë patentën.

Të tjera detaje nga festa e Dream ishin tullumbacet me urimin për të, torta e parë rozë, si për princesha, dhe meqë Kardashianët e kanë çdo gjë me tepri, torta e dytë po rozë, një kryevepër e vërtetë.

Gjithçka e tillë pritet nga një festë Kardashianësh, apo jo?