Gruaja me aftësi ndryshe bëhet nënë për herë të dytë, Manastirliu: Lot gëzimi

Ministrja e Shëndetësisë, Ogerta Manastirliu ka bërë të ditur se Anida, një grua me aftësi ndryshe është bërë nënë për herë të dytë. Manastirliu  e ka vizituar atë në maternitetin “Koço Gliozheni”.

Ministrja përgëzon mjekët e spitalit që u kujdesën për një grua të veçantë me të gjithë forcën, dijen, profesionalizmin dhe përkushtimin e tyre.

“Lot gëzimi në maternitetin “Koço Gliozheni” për Anesën e vogël, që erdhi në jetë shëndetplotë, falë kujdesit të veçantë të dr. Anikës, dr. Astritit dhe stafit të këtij spitali, që u kujdesën për një grua speciale, me të gjithë forcën, dijen, profesionalizmin dhe përkushtimin e tyre, që Anida me aftësi ndryshe, të jetë nënë për herë të dytë”, shkruan Manastirliu.