Julia: Ika nga Shqipëria sepse më bullizonin vajzën në shkollë, i gjeta të prera në krahë

Aktorja e njohur Julia Ilirjani ka rrëfyer sot arsyet që e kanë detyruar të largohet nga Shqipëria. Ajo tha se u largua drejt Anglisë kur kuptoi se vajza e saj bullizohej në shkollë dhe për këtë arsye kishte tentuar t’i jepte fund jetës.

“Isha vetëm me një vajzë 13 vjeçe. Unë ika nga Shqipëria sepse më bullizuan vajzën. Jam larguar brenda një muaji, se vajza po fillonte të priste krahët. Nuk doja ta humbja. Nuk do rrija të zgjidhja çështjet e Shqipërisë në atë kohë . Ndodhi në shkollë. Unë e kam rritur vajzën vetë, çdo ditë, çdo sekondë dhe kur sëmurej e ndjeja dy ditë para, se i ndjeja frymëmarrjen, i ndjeja erën. Kur e rrit fëmijën vet, i di të gjitha. E shikoja që kishte ca sjellje, por mendova që është ndryshimi i moshës. Ajo rrinte me bluza me mëngë të gjata, kur një ditë sesi e kapa për dore dhe ju ngrit bluza. Pashë shenja të prera. Ja ngrita mëngët dhe pashë që në të dyja krahët kishte të prera. Atëherë më iku mendja”, tregon ajo.

Share With:
Translate »
53 Views