Kishte frikë se kanceri do ta linte pa fëmijë, rasti i kësaj nëne është një histori triumfi

Një nënë që i detyron jetën e saj trajtimit pionier të kancerit, ka lindur një fëmijë. Sammy Grey, 26 vjeçe, kishte frikë se lufta e saj e gjatë me limfomën jo-Hodgkin do ta linte të paaftë për të lindur më shumë fëmijë.

Ajo u diagnostikua në vitin 2018, pak pasi solli në jetë fëmijën e saj të parë, vajzën Harper. Kimio dhe radioterapia nuk patën sukses dhe kanceri i saj u bë më agresiv derisa mjekët provuan terapinë me qeliza CAR-T, e cila “mashtron” sistemin imunitar për të luftuar vetë sëmundjen.

Mostra e saj e gjakut u dërgua në SHBA, ku qelizat e saj T u modifikuan gjenetikisht përpara se të futeshin përsëri në trupin e saj. Skanimet një vit më vonë treguan se ishte shëruar, por Sammy, nga Blackpool, kishte frikë se trajtimet e ndryshme e kishin lënë atë infertile.

Por ndërsa ajo dhe i fejuari Daley filluan IVF-në, ajo ngeli shtatzënë natyrshëm dhe solli në jetë djalin Walter më 23 shkurt. Sammy mendohet të jetë një nga të parat që ka lindur pas terapisë CAR-T, e cila u miratua për t’u përdorur në vitin 2018.

Ajo tha: “Kimioterapia më bëri shumë keq dhe nuk mund të kujdesesha për vajzën time të vogël, kështu që Daley, partneri im, duhej të bëhej baba me kohë të plotë. “Jam e vendosur të shfrytëzoj sa më shumë çdo minutë me Walter. Netët pa gjumë nuk më shqetësojnë aspak dhe i vlerësoj të gjitha gjërat e vogla. Po e shijoj kohën me të që më vodhi kanceri me Harper. Nëse nuk do të ishte për trajtimin CAR-T, asnjëri prej nesh nuk do të ishte këtu tani”.