Kleas nuk i del i keqi, i rikthehet historisë kur e kritikuan për pelenat e djalit,

Klea Huta ishte e ftuar këtë të dielë në programin e Ermal Peçit në ekranin e RTSH. Gjatë bisedës në ‘Më prit në fundjavë’ tregoi se po shijon shumë punën me adoleshentët në akademi dhe se nuk ndjen mungesën e ekranit. Sipas saj, ajo çka po ndodh shumë me programet televizive nuk është ajo që dëshiron.

Ermali e pyeti Klean edhe me debatin që u krijua në Instagramin e saj për pelenat e djalit. Në mesin e shumë mesazheve suportuese që mori nga nënat ishin edhe ato që e kritikonin për këtë veprim. Klea i konsideron të tepërta këto mesazhe që në dukje duken si dhënie mendsh, çka është absurde edhe për energjinë negative që përcojnë. Për Klean duket jo normale që me mesazhe të tepruara e ofenduese njerëzit të pretendojnë të të mësojnë si të bësh nënën.

A është momenti për një fëmijë të dytë? Klea u përgjigj se kjo pyetje i bëhet aq shpesh nga kushdo, sa tani nuk preferon më tu përgjigjet. Për të Kridi, është djali i mamit, por nëse do bekohen me një fëmijë të dytë, kjo do të vij kur të jetë shkruar.